Íslenska karlalandsliðið vann öruggan heimasigur í undankeppni EM í kvöld er spilað var við Andorra. Fyrir leikinn var búist við þægilegum sigri Íslands en Andorra er alls ekki með frábært fótboltalið.
Fyrra mark leiksins skoraði Arnór Sigurðsson fyrir Ísland en hann kom boltanum í netið af stuttu færi á 38. mínútu. Staðan var svo orðin 2-0 á 65. mínútu er Kolbeinn Sigþórsson skoraði sitt 26. landsliðsmark.
Kolbeinn kláraði færi sitt af stakri snilld innan teigs og er búinn að jafna markamet Eiðs Smára Guðjohnsen. Gylfi Þór Sigurðsson gat bætt við þriðja marki Íslands á 73. mínútu en hann klikkaði þá á vítapunktinum.
Lokastaðan 2-0 fyrir Íslandi sem er enn í þriðja sæti riðilsins með 15 stig.
Vonir Íslands um að komast beint á EM eru hins vegar nánast úti eftir jafntefli Frakklands og Tyrklands á sama tíma. Tyrkland má tapa gegn Íslandi í nóvember en dugar að vinna þetta slaka Andorra lið í síðasta leik til að komast áfram.
Ísland þarf því líklegt að treysta á að komast á EM í gegnum umspil í Þjóðadeildinni en leikið er þann 26. og 31. mars.
Einkunnir eru hér að neðan.
Byrjunarlið Íslands:
Hannes Þór Halldórsson 6
Fékk nánast ekkert að gera, en gerði vel það sem hann átti að gera
Guðlaugur Victor Pálsson 6
Komst ágætlega frá sínu og gæti verið að eigna sér stöðuna í komandi verkefni.
Jón Guðni Fjóluson 6
Fín innkoma Jóns sem eins og aðrir í varnarlínunni þurfti lítið að gera.
Ragnar Sigurðsson (´68) 7
Hélt ró sinni þegar á þurfti og gerði fínt. Frábær stoðsending í marki Kolbeins.
Ari Freyr Skúlason 5
Hálf slappar fyrirgjafir frá Ara í dag sem komst oft í fínar stöður.
Arnór Sigurðsson 6
Tók markið sitt vel en var þess utan ekki í sínu besta formi, fyrirgjafir og sendingar voru ekki fyrsta flokks.
Gylfi Þór Sigurðsson 5
Fyrirliðinn var hálf slakur í dag miðað við hans standard, virkaði pirraður og klikkaði á víti.
Birkir Bjarnason (´70) 6
Fín frammistaða og kemst mjög vel frá þessum tveimur landsleikjum.
Arnór Ingvi Traustason 6
Gerði vel í að fiska vitið en var þess utan ekkert frábær.
Kolbeinn Sigþórsson 7 – Maður leiksins
Tók markið sitt frábærlega og var hættulegur, jafnaði markametið. Magnaður.
Alfreð Finnbogason (´64) 6
Hefði mátt fá betri þjónustu frá miðju og kanti.
Varamenn:
Jón Daði Böðvarsosn (´64) 5
Kom inn af ágætis krafti
Sverrir Ingi Ingason (´68) 6
Komst fínt frá sínu
Emil Hallfreðsson (´69) 6
Setti boltann nokkrum sinnum ágætlega í spil.