Kolbeinn Sigþórsson segir að Ísland hafi spilað vel í kvöld þrátt fyrir tap gegn Frökkum.
Eina mark leiksins gerði Olivier Giroud fyrir gestina en það kom úr vítaspyrnu í seinni hálfleik.
,,Við gáfum allt í þetta og vorum nálægt því. Við vorum með tak á þeim í 0-0 og svo fá þeir víti,“ sagði Kolbeinn.
,,Það vantaði pínu herslumuninn að komast í alvöru skotfæri eða koma boltanum fyrir. Við áttum góðan leik og spiluðum vel þrátt fyrir tap.“
,,Það vantaði pínu ró í leikinn með boltann en það var samt að virka að negla honum hátt upp. Frakkarnir gerðu vel að loka á okkur þegar við komumst nálægt markinu.“
,,Ég er mjög svekktur með tapið og pæli ekki mikið í hinu, Það er frábært að halda mér heilum og ég held að ég hafi sett persónulegt hlaupamet frá því á EM.“