Kári Árnason segir að franska landsliðið hafi ekki saknað lykilmanna í kvöld í 1-0 sigri á Íslandi.
N’Golo Kante, Kylian Mbappe og Paul Pogba spiluðu ekki í kvöld en Kári bendir á að það komi maður í manns stað hjá þessu magnaða liði.
,,Þetta er mikið svekkelsi og mér fannst við eiga skilið eitt stig að minnsta kosti,“ sagði Kári.
,,Þeir eiga varla færi í fyrri hálfleik, við eigum besta færið þar sem Jón Daði skýtur full laust í hornið og markmaðurinn ver.“
,,Við vorum með þá under control þar til þeir skora og við sækjum með fleiri mönnum.“
,,Sérðu mennina sem koma í staðinn? Þetta eru menn sem spila fyrir Bayern Munchen og Tottenham og eitthvað. Ég held að það skipti litlu máli fyrir þá hverjir spila.“
Kári tjáði sig svo um vítið sem Frakkar fengu í sigrinum.
,,Mér sýndist vera snerting en hann tekur tvö skref og dettur. Ég held að enskur dómari hafi ekki fallið fyrir þessu en að sjálfsögðu gerir Ítalinn það.“