Guðlaugur Victor Pálsson, landsliðsmaður, segir að það hafi ekki komið á óvart að spila bakvörð gegn Frökkum í kvöld.
Guðlaugur spilaði í hægri bakverði í 1-0 tapi en hann er miðjumaður og þekkir þá stöðu vel.
,,Þetta er frekar svekkjandi. Mér fannst við halda þeim vel og svo fá þeir þetta víti og eftir það fórum við að sækja meira og þá fá þeir fleiri færi,“ sagði Guðlaugur.
,,Mér líkaði vel að spila þarna, ég á margt ólært en það eru svona mixed feelings í dag. Í fyrri hálfleik voru minniháttar hluti sem ég þarf að læra með reynslunni. Overall bara fínt.“
,,Þetta hefur legið í loftinu í smá tíma, ég hef spilað í hægri bakverði á æfingum í síðustu verkefnum. Þetta var rætt við mig fyrir smá tíma og ég hef verið undirbúinn.“