Eins og flestir vita þá er KR Íslandsmeistari í karlaflokki árið 2019 en liðið tryggði sér titilinn á mánudag.
KR vann Val á mánudaginn og tryggði sér titilinn þegar tvær umferðir voru eftir af mótinu.
Þeir fengu bikarinn afhentan í dag á Meistaravöllum eftir góðan 3-2 heimasigur á FH.
Fyrr á tímabilinu var talað um það að KR-ingar væru einfaldlega of gamlir til að vinna bikarinn.
Pálmi Rafn Pálmason, leikmaður KR, gerði gott grín að því á Twitter í kvöld og birti myndir af sér og Óskari Erni Haukssyni.
Þar má sjá þá félaga fyrir framan elliheimilið Grund en KR-ingar þögguðu niður í þónokkrum með þessum sigri.
Elliheimilið Grund ? pic.twitter.com/QmGsD7GsOA
— Palmi Rafn Palmason (@palmirafn) 22 September 2019