Gregg Ryder mun ekki þjálfa lið Þórs á næstu leiktíð í Inkasso-deild karla en þetta var staðfest í kvöld.

Gregg tók við Þórsurum fyrir þessa leiktíð og var liðið lengi í góðri stöðu um að komast upp.

Gengið hefur hins vegar dalað verulega undanfarið og er Þór í fimmta sæti deildarinnar með 33 stig og kemst ekki upp.

Þórsarar gáfu út tilkynningu í kvöld þar sem greint er frá því að Gregg muni láta af störfum eftir síðustu umferð.

Tilkynning Þórs:

Knattspyrnudeild Þórs og Gregg Ryder hafa komist að samkomulagi um að Gregg láti af störfum sem þjálfari meistaraflokks Þórs eftir tímabilið.

Þór þakkar Gregg fyrir sín störf í þágu Þórs og óskar honum velfarnaðar í framtíðinni.“