Liverpool 3-1 Arsenal
1-0 Joel Matip(41′)
2-0 Mo Salah(víti, 49′)
3-0 Mo Salah(59′)
3-1 Lucas Torreira(84′)
Stórleik helgarinnar í ensku úrvalsdeildinni er nú lokið en Liverpool og Arsenal áttust við á Anfield.
Það var boðið upp á ansi skemmtilegan leik í Liverpool en það voru heimamenn sem höfðu betur.
Fyrsta mark leiksins skoraði Joel Matip á 41. mínútu en hann kom boltanum í netið með skalla eftir hornspyrnu.
Snemma í síðari hálfleik bætti Mo Salah við öðru marki úr vítaspyrnu en David Luiz gerðist brotlegur innan teigs.
Tíu mínútum síðar var staðan orðin 3-0 en Salah bætti við öðru marki sínu eftir frábæran sprett.
Lucas Torreira minnkaði muninn fyrir Arsenal undir lokin en það dugði ekki til og lokastaðan. 3-1.
