Ólafur Jóhannesson, þjálfari Vals, fékk afsökunarbeiðni í Pepsi Max-mörkum kvöldsins.
Hörður Magnússon sá um að biðja Ólaf afsökunar vegna viðtals sem var birt í þættinum eftir fjórðu umferð.
Áður en viðtalið sjálft hófst þá sagði Ólafur við fréttamann Stöð 2 að það mætti ekki spyrja út í mál framherjans Gary Martin.
Framtíð Gary var í mikilli óvissu á þessum tíma en hann var svo leystur undan samningi stuttu síðar.
Í Pepsi Max-mörkunum var birt klippa af Ólafi þar sem hann bannaði blaðamanni að spyrja út í mál enska framherjans.
,,Við birtum það án þess að ígrunda það nægilega vel,“ sagði Hörður í þætti kvöldsins.
,,Að vel athugu máli þá hefðum við átt að sleppa því og við biðjum afsökunar á að hafa birt þetta viðtal við Ólaf þar sem það var formlega ekki byrjað.“
