Rúnar Alex Rúnarsson var í marki Dijon um helgina sem spilaði mikilvægan leik í frönsku úrvalsdeildinni. Rúnar og félagar eru í harðri fallbaráttu en unnu stórkostlegan 3-1 sigur á Lyon á útivelli.
Dijon er í 18. sæti deildarinnar eftir sigurinn um helgina en liðið var áður á botninum. Önnur lið eiga þó leik til góða.
Sigur Dijon kemur verulega á óvart en Lyon er í þriðja sæti deildarinnar og er á leið í Meistaradeildina.
Rúnar Alex var magnaður í leiknum og er í liði umferðarinnar í frönsku úrvaldeildinni.
Þar er hann í góðum hópi en þarna má finna Dante og Hatem Ben Arfa.
