Memphis Depay, leikmaður Lyon, hefur svarað stuðningsmönnum St. Etienne eftir leik liðanna í gær.

Stuðningsmenn St. Etienne gerðu grín að Memphis sem er mjög stoltur af þvi að vera með marga fylgjendur á Instagram.

,,Memphis er með 5 milljónir fylgjenda á Instagram en á samt engan pabba,“ stóð á borða St. Etienne í stúkunni.

Memphis og félagar höfðu að lokum betur 2-1 í leiknum og svaraði fyrir sig á Twitter í dag.

Memphis á í engu sambandi við föður sinn og vill því ekki nota ættarnafnið Depay. Hann vill láta kalla sig Memphis í staðinn.

,,Þetta pirrar mig ekki í eina sekúndu. Ég vildi bara tala aðeins um þetta. Engin stig gegn okkur á þessu tímabili, ég get ímyndað mér hvernig það er,“ sagði Memphis.

,,Ég veit að þeir eru reiðir, þeir eru bara reiðir því þeir eru ekki með einn leikmann í sama gæðaflokki og ég.“

,,Ég hef ekkert á móti fólkinu sem gerði þetta. Ég veit að þeir elska mig. Ég er með 5,9 milljónir fylgjenda.“

5,9 btw pic.twitter.com/yzWsv1UFne

— Memphis (@Memphis) 21 January 2019