Luan, sóknarmaður Gremio vill ekki tjá sig um það hvort að hann sé á leiðinni til Liverpool.
Leikmaðurinn er með klásúlu í samningi sínum sem gerir honum kleift að yfirgefa félagið fyrir 15,75 milljónir punda.
Hann hefur skorað 18 mörk í 51 leik fyrir Gremio og efur verið orðaður við Liverpool að undanförnu.
„Ef ég vissi eitthvað, þá myndi ég segja ykkur það. Ef það væri eitthvað í gangi þá myndi ég láta ykkur vita,“ sagði Luan.
„Ég hef ekki heyrt í neinum frá Liverpool sem eru góðar fréttir fyrir Gremio því það bendir allt til þess að ég verði hérna áfram,“ sagði hann að lokum.
