Manchester United tókst ekki að tryggja sér efsta sætið í riðli H í Meistaradeild Evrópu í kvöld.
United heimsótti spænska liðið Valencia í hörkuleik á Mestalla vellinum en þurfti að sætta sig við 2-1 tap.
United gat tryggt sér efsta sætið með sigri en Juventus tapaði á sama tíma gegn Young Boys. Bæði lið fara þó áfram.
Manchester City lagði Hoffenheim 2-1 á Etihad vellinum. City lenti undir en kom til baka og fagnaði að lokum sigri eftir tvö mörk frá Leroy Sane.
Það er Lyon sem fer áfram ásamt City í næstu umferð en þeir frönsku gerðu 1-1 jafntefli við Shakhtar Donetsk í Úkraínu sem reyndist nóg.
Bayern Munchen og Ajax gerðu þá 3-3 jafntefli í Hollandi en það var boðið upp á ótrúlega skemmtun.
Bayern kom til baka undir lok leiksins eftir að hafa verið 2-1 undir og var með 3-2 forystu er uppbótartíminn hófst.
Á 96. mínútu leiksins tókst Nicolas Tagliafico að jafna fyrir Ajax og lokastaðan 3-3 í stórskemmtilegum leik. Bæði lið eru komin í næstu umferð.
Maximilian Wober hjá Ajax og Thomas Muller hjá Bayern fengu báðir rautt spjald í síðari hálfleik.
Valencia 2-1 Manchester United
1-0 Carlos Soler(17′)
2-0 Phil Jones(sjálfsmark, 47′)
2-1 Marcus Rashford(86′)
Manchester City 2-1 Hoffenheim
0-1 Andrej Kramaric(16′)
1-1 Leroy Sane(45′)
2-1 Leroy Sane(61′)
Shakhtar Donetsk 1-1 Lyon
1-0 Junior Moraes(22′)
1-1 Nabil Fekir(65′)
Benfica 1-0 AEK Athens
1-0 Alex Grimaldo(88′)
Ajax 3-3 Bayern Munchen
0-1 Robert Lewandowski(13′)
1-1 Dusan Tadic(61′)
2-1 Dusan Tadic(víti, 82′)
2-2 Robert Lewandowski(víti, 86′)
2-3 Kingsley Coman(90′)
3-3 Nicolas Tagliafico(96′)
Young Boys 2-1 Juventus
1-0 Guillaume Hoarau(víti, 30′)
2-0 Guillaume Hoarau(68′)
2-1 Paulo Dybala(80′)
