CSKA Moskva er að valta yfir lið Real Madrid þessa stundina en liðin eigast við í Meistaradeildinni.
CSKA vann fyrri leik liðanna 1-0 í Rússlandi og er staðan þessa stundina 3-0 fyrir liðinu á Santiago Bernabeu.
Arnór Sigurðsson lagði upp fyrsta mark CSKA í leiknum og var nú að skora þriðja mark liðsins.
Arnór hitti boltann virkilega vel innan teigs og náði góðu skoti sem Thibaut Courtois réð ekki við.
Hörður Björgvin Magnússon er einnig í byrjunarliði CSKA og hefur staðið vaktina vel aftast.
