Arnór Sigurðsson kom sér í sögubækurnar í kvöld er hann skoraði og lagði upp í 3-0 sigri CSKA Moskvu á Real Madrid.
Um var að ræða leik í Meistaradeild Evrópu en CSKA vann fyrri leik liðanna 1-0 í Rússlandi.
Liðið gerði svo enn betur í kvöld og vann öruggan 3-0 sigur. Arnór lagði upp fyrsta mark liðsins og skoraði það þriðja.
Hörður Björgvin Magnússon lék einnig í sigri rússnenska liðsins og stóð vaktina vel í öftustu línu.
Fjölskylda Arnórs var mætt á Santiago Bernabeu í kvöld og sáu strákinn spila glimrandi vel gegn ríkjandi meisturunum.
Faðir hans, Sigurður Þór Sigursteinsson var á meðal gesta en hann er sjálfur fyrrum knattspyrnumaður.
Sigurður varð Íslandsmeistari með ÍA árið 2001 en hann er fæddur árið 1971.
Öll fjölskyldan var mætt til að styðja við bakið á sínum manni og varð enginn fyrir vonbrigðum í kvöld.
Þetta var stærsta tap Real á heimavelli í sögu Meistaradeildarinnar og fyrsta tap liðsins heima í riðlakeppninni síðan 2009.
