Heimir Hallgrímsson hefur verið ráðinn þjálfari Al-Arabi í Katar en þessar fregnir voru staðfestar í gær.
Al-Arabi er í sjötta sæti af tólf liðum í úrvalsdeildinni í Katar en hlé verður gert á deildinni um jólin. Heimir stýrir því liðinu í tveimur leikjum áður en hlé verður gert.
Heimir fær leyfi til þess að breyta liðinu í janúar en hvert lið má hafa fjóra erlenda leikmenn.
Fjölmiðlar í Katar hafa mikinn áhuga á Heimi enda hafði árangur hans með Ísland vakið heimsathygli.
Staðreyndirnar eru þó eitthvað að vefjast fyrir þeim ogkemur tannlækna menntun Heimis við sögu þar.
,,Þessi 51 árs þjálfari fór með þjóð sín á EM 2016 og HM 2018, hann sagði síðan upp eftir HM til að taka upp starf sitt sem tannlæknir,“ sagði í umfjöllun Al Arab.
Þetta er þó ekki rétt enda hefur Heimir alla tíð starfað sem tannlæknir með fram því að þjálfa.