fbpx
Sunnudagur 16.desember 2018
433Sport

Einn frægasti maður Englands bað Þorvald um að baða sig á sögufrægum slóðum: ,,Ég endað með því að sápa á honum bakið“

Victor Pálsson
Föstudaginn 7. desember 2018 07:00

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Þorvaldur Örlygsson þjálfari U19 ára landsliðs karla.

Þorvaldur hefur átt áhugaverðan feril, fyrst sem leikmaður og þjálfari.

Þorvaldur segir mjög skemmtilega sögu af hinum litríka Brian Clough sem var þjálfari hans hjá Nottingham Forest á sínum tíma.

Clough var stjóri Forest frá 1975 til 1993 en hann var einn sá allra virtasti í bransanum á þeim tíma.

Þorvaldur var beðinn um ansi sérstakan hlut fyrir leik gegn Arsenal á Highbury er hann var ekki í liðinu.

Clough átti það til að láta renna í heitt bað fyrir leiki og í eitt skipti bað hann Þorvald um að rétta sér hjálparhönd.

,,Við vorum að spila við Arsenal á Highbury og ég var búinn að vera í liðinu. Svo var liðið tilkynnt og hann átti þann sið að hann lét renna í baðker, það var baðker á öllum völlum,“ sagði Þorvaldur.

,,Hann lét renna í bað, það var einhver yngri leikmaður sem var látinn renna í bað. Ég var ekki í liðinu og var í sturtuklefanum að laga skóna mína og gera allt klárt.“

,,Kallinn er kominn ofan í baðkerið og segir við mig: ‘Djöfull varstu óheppinn að vera ekki í liðinu í dag, það er aldrei að vita hvort þú verðir kominn inná eftir fimm mínútur. Notaðu nú tímann og sápaðu á mér bakið!’

,,Ég endaði með því að sápa á honum bakið og hjálpaði honum að þvo og náði í handklæði handa kallinum.“

,,Það vill svo til að eftir fimm mínútur þá slasast Terry Wilson og ég fór inná. Kallinn segir við mig: ‘Ég sagði þér það, það borgar sig að sápa bakið!’

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Nylon-stjarna gengin út
433Sport
Fyrir 3 dögum

Fjölskylda Arnórs var mætt á sögufrægar slóðir þegar Íslendingurinn varð heimsfrægur

Fjölskylda Arnórs var mætt á sögufrægar slóðir þegar Íslendingurinn varð heimsfrægur
433Sport
Fyrir 3 dögum

Íslendingarnir eru að valta yfir Real Madrid – Sjáðu frábært mark Arnórs

Íslendingarnir eru að valta yfir Real Madrid – Sjáðu frábært mark Arnórs