Jose Mourinho, stjóri Manchester United, minnti á sig í kvöld og trylltist eftir sigurmark Marouane Fellaini gegn Young Boys.

Fellaini skoraði eina mark United í 1-0 sigri í riðlakeppni Meistaradeildarinnar undir lokin og tryggði United sæti í 16-liða úrslitum.

Mourinho hefur nú útskýrt það sem gerðist eftir markið en hann tók þá upp vatnsbrúsa United og kastaði þeim af miklu afli í jörðina.

,,Ég var pirraður áður en þettra gerðist og það var mikill léttir að skora. Ég var ekki óánægður með leikmennina,“ sagði Mourinho.

,,Í lokin þá náðum við að skora en ég verð að muna eftir markvörslu David de Gea – án hans þá hefði þetta ekki verið sigurmark. Við komumst upp úr erfiðum riðli með einn leik til góða.“

Mourinho minnti svo ‘aðdáendur’ sína á það að hann sé með ansi góða tölfræði þegar kemur að deild þeirra bestu.

,,Fyrir þá sem elska mig. Ég vil bara ræða tölfræðina, fyrir þá sem elska tölfræði.“

,,Ég hef spilað 14 sinnum í Meistaradeildinni og komist 14 sinnum upp úr riðlinum. Í eina skiptið sem ég spilaði ekki þar þá vann ég Evrópudeildina.“