Erik Hamren, landsliðsþjálfari karlalandsliðsins, bað þjóðina afsökunar eftir tap gegn Sviss í dag.
Það gekk ekkert upp hjá íslenska liðinu í leiknum í dag og hafði Sviss að lokum betur örugglega, 6-0.
Um var að ræða fyrsta leik Hamren við stjórnvölin en hann tók við af Heimi Hallgrímssyni fyrr í sumar.
Hamren ræddi við Vísi.is eftir leikinn og bað hann þar þjóðina afsökunar á frammistöðu liðsins.
,,Ég bið stuðningsmenn Íslands afsökunar. Þetta voru vandræðaleg úrslit,” sagði Hamren í samtali við Vísi.
„Við héldum ekki skipulagi, misstum trúna og það er á ábyrgð minni sem þjálfari. Það er mitt starf sem þjálfari að láta þá hafa trú á verkefninu og hvað við erum að gera,” bætti Hamren á meðal annars við.
