Spænska blaðið Marca greinir frá því í dag að Real Madrid sé búið að tryggja sér þá Andra Lucas og Daníel Guðjohnsen.
Drengirnir tveir eru synir Eiðs Smára Guðjohnsen sem er markahæsti leikmaður í sögu íslenska landsliðsins.
Daníel og Andri eru báðir taldir mjög efnilegir og gætu vonast væntanlega til að feta í fótspor pabba síns sem var frábær leikmaður.
Andri Lucas er 16 ára gamall og hefur leikið í akademíu Espanyol en Daníel er 12 ára og hefur spilað í akademíu Barcelona.
Eiður var á sínum tíma í herbúðum Barcelona og vildi félagið fá Andra í sínar raðir en samkvæmt Marca vill fjölskyldan flytja til Madríd.
Marca segir að báðir leikmennirnir verði á mála hjá Real á næstu leiktíð en Real og Bacelona eru eins og flestir vita miklir erkifjendur.