Hörður Snævar Jónsson skrifar frá Rússlandi:
Alfreð Finnbogason framherji Íslands fór yfir það á fréttamannafundi liðsins í dag hvað leikmenn læra í Þýskalandi.
Fréttamaður frá Þýskalandi spurði Alfreð út í áhrif Þýskalands á hópinn en þjálfarateymið hefur sterkar tengingar þangað.
,,Þú lærir suma hluti í Þýskalandi, það er agi og að koma ekki seint á fundi,“ sagði Alfreð um málið.
,,Við höfum leikmenn í mörgum löndum svo það er ekkert eitt land sem hefur meiri áhrif en annað. Stór hluti af þjálfarateyminu talar þýsku, það er fyndin stemming að hlusta á þá tala saman. Helga (Kolviðsson), Guðmund (Hreiðarsson) og Sebastian (Boxleitner), það er ekki langt þangað til að liðsfundir verða að hluta til á þýsku.“
