Hörður Snævar Jónsson skrifar frá Rússlandi:
Tæpt er að Jóhann Berg Guðmundsson spili leikinn gegn Nígeríu vegna meiðsla á kálfa.
Jóhann fór meiddur af velli gegn Argentínu í fyrsta leik liðsins á HM.
Ísland mætir Nígeríu á föstudag í miklum hita og er tæpt að Jóhann spili.
,,Jóhann Berg tognaði á kálfa, það er spurning hvort hann verði klár fyrir næsta leik. Við reynum að ná honum klárum. Aðrir eru klárir,“ sagði Helgi Kolviðsson, aðstoðarþjálfari Íslands.
,,Það verður tæpt að hann spili, það er á hreinu. Við vonum það besta, ef það er ekki þá erum við undirbúnir undir það ef hann er ekki.“
