Hannes Þór Halldórsson átti stórleik fyrir Ísland í dag er liðið gerði 1-1 jafntefli við Argentínu í riðlakeppni HM í Rússlandi.
Hannes varði vítaspyrnu frá Lionel Messi í þessum leik og átti þá aðrar flottar vörslur sem hjálpuðu Íslandi mikið.
,,Fyrir mig að spila fyrir Ísland á HM í fyrsta leiknum og mæta einum besta leikmanni heims. Þetta var stórt augnablik. Það var draumur sem rættist að verja þetta víti. Sérstaklega þar sem það hjálpaði okkur að verja þetta víti,“ sagði Hannes á blaðamannafundi eftir leik.
,,Já, ég vann svolitla heimavinnu. Ég vissi að þetta gæti komið upp, það var kannski langsótt ég var búinn að skoða mörg víti frá Messi og. Ég var með nokkuð góða tilfinningu að hann myndi velja þetta horn.“
Hannes var svo spurður af erlendum blaðamanni af hverju hann hefði fagnað jafnteflinu eins og liðið hefði sigrað leikinn.
Hannes spurði umræddan blaðamann hvort hann væri frændi Cristiano Ronaldo sem talaði um að Ísland væri lið með „a small mentality“ eftir að hafa fagnað jafntefli gegn Portúgal á EM 2016.
,,Ertu frændi Cristiano Ronaldo? Þetta er stórt jafntefli fyrir okkur. Við vissum að það væri mikið atriði að komast á stigatöfluna, við ætlum okkur upp úr riðlinum og vorum að spila gegn einu besta liði heimi, besta leikmanni í heimi og í fyrsta leik okkar á HM.“
