„Stemningin er mjög góð. Það er komin spenna og menn hlakkar til,“ sagði landsliðsmaðurinn Arnór Ingvi Traustason fyrir æfingu Íslands í Gelendzhik í morgun. Eftir æfinguna heldur liðið af stað til Moskvu til frekari undirbúnings fyrir leikinn gegn Argentínu á laugardag.

Arnór segir að þessi vika hafi að miklu leyti farið í að koma liðinu í gang og vitanlega fara yfir argentínska liðið, hvar styrkleikar þeirra og veikleikar liggja. Aðspurður hvernig leik hann eigi von á segir Arnór: „?eir eru með gífurlega gott lið. Eins og ég segi þá eru klárir veikleikar hjá þeim sem við ætlum að nýta okkur en við þurfum að vera mjög á tánum og eiga góðan leik.“

Margir hafa haft áhyggjur af stöðunni á fyrirliðanum, Aroni Einari Gunnarssyni, en Arnór segist ekki deila þeim áhyggjum, síður en svo. „Frá því að hann meiddist hef ég ekki haft neinar áhyggjur af honum. Hann kemur alltaf til baka og er alltaf klár.“

Í viðtalinu sem sjá má hér að neðan tjáir Arnór sig einnig um það hvort hann sé vongóður um að fá mínútur á laugardag og hjólreiðatúr sem hluti hópsins fór í í gær.