,,Fyrstu kynni af Rússlandi eru mjög góð, framar vonum,“ sagði markahrókurinn, Alfreð Finnbogason fyrir æfingu íslenska landsliðsins í Rússlandi í dag.
Strákarnir okkar hefja leik á Heimsmeistaramótinu á laugardag þegar liðið mætir Argentínu.
Vel fer um strákana okkar sem komu til Rússlands á laugardag og er öll umgjörð fyrsta flokks.
,,Þetta er frábær staður, hótelið er gott. Maður var undirbúinn fyrir allt, það er ekkert til að kvarta yfir.“
,,Völlurinn er frábær, allt upp á 10 hingað til.“
Mjög rólegt er yfir strákunum okkar og ekki að sjá að stutt sé í fyrsta leik, reynslan í hópnum skiptir þar mestu máli.
,,Spennan er aðeins að magnast, hún magnast þegar líður á vikuna. Lykilinn hjá okkur hefur verið að allir eru léttir, afslappað andrúmsloft. Það hefur verið lykilinn að okkar velgengni. Menn geta skroppið í bæinn og fengið sér kaffi, við erum ekki niðurnelgdir. Það hefur reynst vel.“