Morgun- eða kvöldbað? Þetta eru ekki allir sammála um og margir deila um þetta af miklum krafti, nánast af eins mikilli alvöru og um hvort það megi setja ananas á pítsu.

Sumir vilja fara í kalda sturtu á morgnana til að mæta frískir í vinnu en aðrir vilja fara hreinir og afslappaðir í háttinn.

En læknirinn Aragona Giuseppe segir að þrátt fyrir að það sé vinsælt að fara í bað á morgnana af því að það „vekur skilningarvitin og gerir þig tilbúin fyrir daginn“ þá fylgi því meiri heilsufarslegur ávinningur að fara í bað á kvöldin.

Giuseppe segir að líkaminn safni drullu og ofnæmisvöldum á sig allan daginn. Á sumrin safni hann á sig svita, mengun og frjókornum sem límist við bæði húð og hár. Ef þú farir upp í rúm án þess að skola þetta af, endi þetta allt á lakinu og koddanum. Það geti síðan valdið húðvandamálum, ertingu í húðinni og ekki síst ofnæmisviðbrögðum.

Giuseppe bendir einnig á að heitt bað að kvöldi hjálpi til við að losa um spennuna í líkamanum og það sé fullkomið ef þú hafi verið í vinnunni, stundað líkamsrækt eða bara átt langan dag. Þetta sé áhrifarík aðferð til að slaka á og undirbúa líkamann undir góðan nætursvefn.