Þetta var í fyrsta sinn í sögunni sem orustuþota var skotin niður með sjávardróna. Þetta gerðist nærri rússnesku hafnarborginni Novorossiisk en það er mikilvæg hafnarborg við Svartahaf.
Flugskeyti var skotið frá sjávardrónanum og hæfði það Su-30 orustuþotuna sem var á flugi hátt yfir sjónum.
Rússnesk yfirvöld hafa ekki tjáð sig um málið en rússneskur herbloggari, sem er talinn hafa góð tengsl við varnarmálaráðuneytið, skrifaði að þotan hefði verið skotin niður og að flugmennirnir hefðu náð að skjóta sér út og hafi verið bjargað af sjómönnum.
