Það er kannski kominn tími til að taka til í svefnherberginu eða jafnvel svefnherbergjunum á heimilinu. Þá getur verið freistandi að henda hinu og þessu en þú ættir að stoppa og hugsa þig um tvisvar áður en þú hendir eftirtöldum hlutum.

Hlutir sem tengjast tilfinningum – Gamlir hlutir á borð við bréf, ljósmyndir eða erfðagripir geta virst vera drasl en minningar og tilfinningar tengjast þessum hlutum oft. Íhugaðu að geyma þá í „minningarkassa“ eða jafnvel að finna leið til að koma þeim fyrir á heimilinu svo þeir varðveitist og gegni hlutverki.

Geymslulausnir – Kassar, körfur og sérstök geymslubox virðast kannski vera aðeins of mikið af því góða, sérstaklega ef þau eru tóm eftir tiltekt. En ný hlutverk bíða ef þú endurskipuleggur eða eignast nýja hluti. Það er oft dýrara og krefst meiri tíma að þurfa að kaupa ný geymsluílát síðar.

Klassískur fatnaður og tilheyrandi – Tískan tekur stöðugum breytingum en sumur fatnaður og fylgihlutir eru tímalausir. Svartur jakki, einfaldur kjóll eða gæðaleðurvörur geta alltaf komist inn í fataskápinn á nýjan leik. Ef þetta passar enn og er í góðu standi, þá er þess virði að geyma þetta.

Bækur sem hafa persónulega þýðingu – Þrátt fyrir að þú munir kannski aldrei lesa þær aftur, þá geta ákveðnar bækur haft mikil áhrif á þig. Þær geta verið uppspretta innblásturs eða huggunar og eiga skilið að fá sitt pláss í hillunni.