Þegar fólk kveður þennan heim og heldur á vit eilífðarinnar er það oft hlutskipti ættingja og vina að ganga frá veraldlegum eigum hinna látnu. Þá koma stundum í dagsljósið hlutir sem geta varpað nýju og kannski öðru ljósi á líf viðkomandi. Það var einmitt það sem nokkrar systur lentu í þegar þær fundu bréf frá föður þeirra til móður þeirra en bréfin voru skrifuð á sjöunda áratugnum.

Faðir þeirra var þá að vinna í Lundúnum á meðan móðir þeirra var annarsstaðar á Englandi og voru þau greinilega iðin við að skrifast á en dæturnar fundu bunka af sendibréfum sem höfðu farið þeirra á milli. Þær söfnuðust saman til að lesa bréfin og bjuggu sig undir hjartnæma stund.

Ein systranna sagði frá þessu í færslu á Twitter:

„Eftir að móðir okkar lést fundum við bréfabunka, bréf frá föður okkar þegar hann var að vinna í Lundúnum á sjöunda áratugnum. Grátandi systur mínar og ég héldumst í hendur, opnuðum eitt bréf en það snerist bara um hversu mikið hann saknaði þess að ríða henni . . . .“