Greint var frá því í gær að tveir hefðu verið handteknir vegna gruns um morð á henni, James Wood og Tanika Bromley sem bæði eru á fertugsaldri.
Þau kynntust Bishop, sem var 17 ára, nokkrum vikum áður en hún hvarf og buðu henni að flytja inn á heimili sitt. Þann 15. maí áttu Wood og Bromley að skutla ungu stúlkunni upp á flugvöll, en Bishop skilaði sér aldrei í flugið.
Ástralskir og breskir fjölmiðlar greindu frá því í morgun að líkið hefði fundist skammt frá þeim stað sem Pheobe sást síðast á. Enn á eftir að bera formlega kennsl á líkið.
