Hinn óháði rússneski miðill Meduza skýrir frá þessu og segir að vegna refsiaðgerðanna, sem Vesturlönd beita Rússland, þá sé lítið streymi af erlendum gjaldmiðlum til rússneskra banka.
Miðillinn segir að meira að segja í Rússlandi eigi landsmenn í vaxandi vanda með að nota gamla dollaraseðla.
Margir hafa reynt að nota þessa seðla erlendis, þar á meðal í Tyrklandi, Taílandi, Egyptalandi og Sameinuðu Arabísku Furstadæmunum, en þar vill enginn taka við þeim.
Artur Muradjan, varaforseti samtaka rússneskra ferðaþjónustufyrirtækja, segir þetta vera „viðkvæmt efni“.
Í samtali við ríkisdagblaðið Rossiyskaya Gazeta sagði hann að áður en Rússar fari í utanlandsferðir þá séu þeim seldir gamlir dollaraseðlar sem enginn vilji taka við erlendis.
Allir rússneskir bankar hafa tekið upp gjöld fyrir að skipta gömlum bandarískum dollaraseðlum og margir stórir bankar eru hættir að taka við þeim.
