Það eru tæp 30 ár síðan móðir Harry, Díana prinsessa, lést í bílslysi í París, hún var 36 ára.
Harry og Meghan hættu að nota opinbera titla sína þegar þau hættu störfum sem fulltrúar bresku konungsfjölskyldunnar í mars 2020. Þau halda enn HRH titlum sínum (konunglega hátign) en Harry hefur haft þann titil síðan hann fæddist. Þau mega þau ekki nota þennan titil í tengslum við viðskipti.
Mirror segir að titlar séu mjög viðkvæmt málefni fyrir hjónin. Amma Harry, Elísabet II drottning, gaf þeim titlana sem hertoginn og hertogaynjan af Sussex á brúðkaupsdegi þeirra 2018.
Mail on Sunday segir að Harry hafi verið að leita leiða til að taka upp ættarnafn móður sinnar og losna þar með undan því að nota Mountbatten-Windsor ættarnafnið sem börnin hans nota og faðir hans, Karl konungur, hefur í miklum metum.
Harry er sagður hafa rætt þetta við Spencer jarl þegar hann var í einni af fáum ferðum sínum til Bretlands. Spencer sagði honum að mikil lagaleg vandkvæði séu á þessu og það sé útilokað að sigrast á þeim. Réði Spencer honum því að sögn frá því að fara þessa leið.
