Þetta kemur fram í nýrri rannsókn sem var birt í vísindaritinu Scientific Reports. Fram kemur að frárennslisvatnið komi frá borun í steina í Marcelleus Shale gaslindunum.
Í yfirlýsingu frá vísindamönnunum er haft eftir Justin Mackey, hjá National Energy Technology Laboratory, að þeir hafi ekki haft hugmynd um hversu mikið magn væri þarna.
Um 90% af því liþíum, sem unnið er, kemur frá Ástralíu, Chile og Kína. Efnið er sjaldgæft en nauðsynlegt við framleiðslu rafhlaðna fyrir rafmagnsbíla, snjallsíma, fartölva, snjallúra og rafrettna. Eftirspurnin fer vaxandi og verðið hefur hækkað um rúmlega 500% á einu ári.
Eins og staðan er núna, er aðeins ein liþíum náma starfrækt í Bandaríkjunum, í Nevada, og því þarf að flytja mikið magn inn til að mæta eftirspurn.
Liþíum er mjög mikilvægt varðandi „orkuskiptin“ og hafa bandarísk yfirvöld markað þá stefnu að allt liþíum, sem notað er innanlands, eigi að vera unnið þar árið 2030. Unnið er að opnun fleiri náma, til dæmis í Nevada, Kaliforníu og Norður-Karólínu.