fbpx
Laugardagur 22.júní 2024
Pressan

Áttu erfitt með að sofna? Þetta einfalda ráð getur hjálpað þér að sofna

Pressan
Sunnudaginn 9. júní 2024 22:30

Hún virðist eiga erfitt með að sofna.

Ekki missa af Helstu tíðindum dagsins í pósthólfið þitt

Lesa nánar

Það er gríðarlega pirrandi að liggja glaðvakandi að kvöldi og geta ekki sofnað, sama hvað er reynt. Þetta er auðvitað sérstaklega pirrandi ef maður á að vakna snemma næsta dag. En örvæntu ekki, það er hægt að leysa þetta á einfaldan hátt. Það segja bandarískir vísindamenn að minnsta kosti en þeir telja sig hafa fundið leið til að sofna hratt.

Þú hefur kannski lent í því að þegar þú ferð upp í rúm og telur þig vera tilbúinn til að sofna þá hellast hinar ýmsu hugsanir yfir þig. Þetta hefur þau áhrif á marga að þeir geta ekki sofnað fyrr en löngu eftir að þeir leggjast upp í.

Þetta er að vonum pirrandi og of lítill svefn getur haft áhrif á einbeitingu þína og orku næsta dag.

Ef ástæðan fyrir andvökunni eru hugsanir um allt það sem bíður þín næsta dag eða næstu daga þá er til einfalt ráð til að sofna. Þetta segja vísindamenn við Baylor háskólann eftir því sem segir í umfjöllun livescience.com.

57 karlar og 38 konur tóku þátt í rannsókn þeirra. Allt var fólkið á aldrinum 18 til 30 ára. Það svaf í sérútbúinni rannsóknarstofu þar sem heilastarfsemi þess var mæld að næturlagi en áður en gengið var til náða lauk fólkið við tvær mismunandi skriftaræfingar.

Helmingur þátttakendanna skrifaði hvaða verkefnum þeir höfðu lokið dagana áður en hinn skrifaði minnislista yfir verkefni næstu daga.

Niðurstaðan var að þeir, sem skrifuðu minnislista, sofnuðu að meðaltali 9 mínútum á undan þeim skrifuðu hvað þeir höfðu gert dagana á undan.

9 mínútur virðast ekki vera langur tími en niðurstöður rannsóknarinnar eru að það að skrifa minnislista yfir verkefnin fram undan hafi greinileg áhrif í þá veru að fólk á auðveldara með að sofna. Það er því kannski ekki úr vegi að prófa þessa aðferð ef þú ert andvaka.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óhugnanlegt myndband sýnir drukkinn ökumann aka á hjólreiðamann

Óhugnanlegt myndband sýnir drukkinn ökumann aka á hjólreiðamann
Pressan
Í gær

Hinn fullkomni staður fyrir þá sem vilja ró og næði – Heil eyja til sölu

Hinn fullkomni staður fyrir þá sem vilja ró og næði – Heil eyja til sölu
Pressan
Fyrir 3 dögum

Lýtalæknir gerði aðgerð á eiginkonu sinni  – Það endaði með ósköpum

Lýtalæknir gerði aðgerð á eiginkonu sinni  – Það endaði með ósköpum
Pressan
Fyrir 3 dögum

Unglingur dæmdur í 8 ára fangelsi – Aðhyllist nýnasisma og ætlaði að gera sjálfsvígsárás á bænahús gyðinga

Unglingur dæmdur í 8 ára fangelsi – Aðhyllist nýnasisma og ætlaði að gera sjálfsvígsárás á bænahús gyðinga