Vladimir Pútín hefur varað Suður Kóreu við því að senda vopn til Úkraínu. Verði slíkt gert sé um meiriháttar mistök að ræða. BBC greinir frá.

Á dögunum gerðu Rússland og Norður Kórea tvíhliða varnarsamning. Samkomulaginu var ekki fagnað í Suður Kóreu, sem á enn í dag í köldu stríði við nágranna sína fyrir Norðan. Suður Kórea segist nú íhuga að senda Úkraínu vopn til að hjálpa þeim að berjast gegn innrás Rússa.

Pútín sagði við blaðamenn að ef Suður Kórea láti að þessu verða þá sé um stór mistök að ræða og muni stjórnvöld í Rússlandi í kjölfarið taka ákvarðanir sem verði óvinsælar hjá leiðtogum Suður Kóreu.

„Þeir sem skaffa þessi vopn telja sig ekki vera í stríði við okkur. Ég sagði, meðal annars í Pyongyang [höfuðborg Norður Kóreu], að við áskiljum okkur réttinn til að senda vopn til annarra heimshorna,“ sagði

Embætti forsetans í Suður Kóreu gaf út í dag að nokkrar sviðsmyndir séu til skoðunar, þar á meðan að senda vopn til Úkraínu. Niðurstaðan um hvaða leið verði farin fer eftir því hvernig Rússland nálgast málið. Embættið mótmælir varnarsamningnum og hvetur sendiherra Rússlands til að beita sér fyrir því að Rússland slíti samstarfi við Norður Kóreu undir eins.

Suður Kórea hefur hingað til stutt við Úkraínu með því að senda mannúðaraðstoð og hernaðargögn. Þó hafa engin hættuleg vopn verið send til þessa þar sem landið hefur þá opinberu stefnu að vopna ekki lönd sem standa í stríði.

Vísbendingar eru um að Rússar hafi nú þegar fengið vopnasendingu frá Norður Kóreu og notað í átökunum í Úkraínu.

Suður Kórea er ekki eina ríkið sem hefur áhyggjur af þessu vinsambandi Rússlands og Norður Kóreu. Japan segist hafa miklar áhyggjur af því að Pútín hafi ekki útilokað samstarf við Norður Kóreu um háþróuð hernaðargögn. Talsmaður ríkisstjórnarinnar í Japan, Yoshimasa Hayashi segir varnarsamkomulagið óásættanlegt.

Greiningaraðilar sem BBC ráðfærði sig við benda á að þessi varnarsamningur sé þýðingarmikill fyrir heiminn eins og hann leggur sig og geti haft mikla afleiðingar. Nú geti Norður Kórea vopna Rússlands fyrir opnum tjöldum og eins er möguleiki að Rússlands blandi sér inn í átökin í Kóreu. Spennan milli Norður og Suður Kóreu er mikil þessa daganna. Í gær fóru hermenn frá Norður Kóreu í skamma stund yfir landamærin en hörfuðu þegar viðvörunarskotum var skotið frá Suður Kóreu.