fbpx
Miðvikudagur 22.maí 2024
Pressan

Þessi mynd lagði líf drengjanna í rúst – Nú hafa þeir fengið uppreisn æru

Pressan
Föstudaginn 10. maí 2024 09:27

Ekki missa af Helstu tíðindum dagsins í pósthólfið þitt

Lesa nánar

Tveir ungir menn sem voru reknir úr virtum skóla árið 2020 eftir að mynd af þeim fór í dreifingu á Internetinu hafa nú fengið uppreisn æru.

Piltarnir sem um ræðir voru aðeins 14 ára þegar umrædd mynd var tekin árið 2017 þegar þeir, samtals þrír vinir, gistu saman eina nótt. Á myndinni má sjá drengina með dökkan lit í andlitinu og töldu margir að um væri að ræða svokallað „blackface“ – það er andlitsgervi hvítrar manneskju sem málar sig svarta eða brúna í framan. Oftar en ekki er litið á gervið sem móðgun við svart fólk.

Myndin fór svo í dreifingu árið 2020, eða um það leyti sem Black Lives Matter-hreyfingin ruddi sér til rúms eftir morðið á George Floyd. Borin voru kennsl á drengina sem stunduðu nám við sama skólann í Kaliforníu og voru þeir teknir á teppið og vikið úr skólanum.

En málið var þó flóknara en þetta eins og kom síðar á daginn.

Drengirnir höfðu einfaldlega borið á sig bólukrem sem móðir eins drengjanna hafði keypt til að meðhöndla bólur í andliti hans. Andlitsmaskinn var ljósgrænn þegar hann var borinn á andlitið og varð dökkgrænn þegar hann þornaði. Var tilgangur drengjanna ekki að þykjast vera dökkir á hörund.

Bandarískir fjölmiðlar greina nú frá því að drengirnir tveir hafi fengið bætur, 500 þúsund dollara hvor, í bætur fyrir brottreksturinn þar sem skólinn tryggði ekki að drengirnir fengju réttláta málsmeðferð.  Jafngildir upphæðin sem hvor drengjanna fær tæpum 70 milljónum króna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Breskur skurðlæknir sendur í leyfi – Ákvað upp á sitt einsdæmi að laga „skrýtinn“ lim tólf ára drengs samhliða kviðslitsaðgerð

Breskur skurðlæknir sendur í leyfi – Ákvað upp á sitt einsdæmi að laga „skrýtinn“ lim tólf ára drengs samhliða kviðslitsaðgerð
Pressan
Fyrir 2 dögum

Sprenglærðir bræður í vondum málum: Stálu 3,4 milljörðum á 12 sekúndum

Sprenglærðir bræður í vondum málum: Stálu 3,4 milljörðum á 12 sekúndum
Pressan
Fyrir 5 dögum

Stærðfræðikennarinn Rebecca Joynes sakfelld fyrir kynferðisbrot gegn unglingum – Varð þunguð eftir 15 ára dreng

Stærðfræðikennarinn Rebecca Joynes sakfelld fyrir kynferðisbrot gegn unglingum – Varð þunguð eftir 15 ára dreng
Pressan
Fyrir 5 dögum

Lítil stúlka slapp naumlega undan bráðri lífshættu á Tenerife

Lítil stúlka slapp naumlega undan bráðri lífshættu á Tenerife