Girðingin umhverfis ljónagryfjuna er tæpir fjórir metrar á hæð. Það dugði ekki til að stöðva Gujjar sem klifraði upp á hana og stökk síðan niður í gryfjuna. Talið er að hann hafi verið undir áhrifum áfengis og hafi ætlað að taka mynd af sér með ljóni að því er staðarmiðlar segja.
Talsmaður lögreglunnar sagði að öryggisvörður hafi séð til Gujjar og gert öðru starfsfólki viðvart og hlaupið í áttina að honum en náði ekki tímanlega til hans. Í ljónagryfjunni voru þrjú ljón sem réðust umsvifalaust á hann og urðu honum að bana.
Dýrahirðum tókst síðan að lokka ljónin inn í búr sín með mat og var þá hægt að sækja líkið.
