Átján ára bandarískur nemi Cameron Robbins er talinn hafa endað ævi sína í gini hákarls eftir að hann ákvað að stökkva í sjóinn af skemmtiferðarskipi þar sem hann var að fagna útskrift sinni úr menntaskóla.
Robbins, sem var afreksmaður í hafnabolta, var að skemmta sér á skipinu ásamt fjölmörgum samnemendum sínum. Skipið var skammt frá Bahama-eyjum þegar félagar Robbins fóru að mana hann til að þess að stökkva frá borði.
Klukkan var að slá í miðnætti og taumlaus gleði í gangi sem eflaust varð til þess að Robbins ákvað að láta verða af því og stökk útbyrðis við mikinn fögnuð félaganna. Þeir reyndu þegar að henda til hans björgunarhring og ætluðu að draga hann aftur um borð. Þeim til mikillar undrunar synti Robbins frá hringnum og skyndilega hvarf hann sjónum.
Leit stóð yfir af Robbins í nokkra daga en hún var svo blásin af síðastliðinn föstudag.
Í umfjöllun Daily Mail er greint frá þeirri kenningu að Robbins hafi synt frá björgunarhringnum því að hann hafi orðið var við hákarl en ekki komist undan og þannig endað ævi sína með nöturlegum hætti. Á myndbandi atvikinu sést skuggi í sjónum skammt frá Robbins og telja margir að þar megi greina hákarlinn.
Svæðið þar sem Robbins stökk frá borði er alræmt fyrir fjölda hákarla sem þar halda sig