Það var í mars mánuði árið 2021 sem hin ástralska Christie Lee Kennedy sá nokkuð sem fæstar eiginkonur vilja sjá. Hún sá eiginmann sinn, David Larkin, kyssa aðra konu.
Líklega hafði Christie grunað að ekki væri allt með felldu því hún hafði notað smáforritið Find My Phone, eftir að eiginmaður hennar sagðist ætla að skjótast til að sækja börn þeirra í dagvistun. Notaði hún forritið til að elta mann sinn uppi og stóð hann þá að verki, og það úti á miðri götu.
Christie, sem var undir stýri, sá rautt og steig á bensíngjöfina og keyrði á ótrúa eiginmanninn og hjákonuna. Síðan gerði hún gott betur og steig út úr bílnum, kýldi hjákonuna í andlitið og kallaði hana druslu. Svo fór hún aftur inn í bíl sinn og keyrði burt, en hætti svo við. Hún steig aftur út úr bílnum og gekk að manni sínum til að öskra á hann. Hjákonan hafði þá látið sig hverfa og Christie rann aðeins reiðin og beið með manni sínum eftir sjúkrabíl.
Ekki varð lögreglan hrifin af þessari uppákomu og var Christie ákærð fyrir árás, en aðalmeðferð fór fram fyrir skömmu. Fyrir dómi var sýnd upptaka af árekstrinum, en Kennedy ákvað að játa á sig sakir gegn því að fá vægari dóm og sleppa við fangelsisvist. Hún endaði því á skilorði.
„Ég held að það sé rétt að álykta að þú hafir orðið fyrir töluverðu áfalli þegar þú sást það sem þú sást, þrátt fyrir að hafa grunað hvernig í málum lægi,“ sagði dómarinn.
„Þú er greinilega frábær starfsmaður og mjög góð móðir og það er synd og skömm að þú hafir framið þetta brot en ég er þeirrar skoðunar að þetta brot hafi verið einangrað tilfelli og að ólíklegt sé að þú brjótir aftur af þér með þessum hætti.“
Christie var líka svipt ökuréttindunum tímabundið og þarf að greiða, nú fyrrverandi, eiginmanni sínum skaðabætur.
#TONIGHT: Watch the moment a Brisbane wife took revenge on her unfaithful husband – by hitting him with her car.
So why did the judge let her walk free?
Only on #9News TONIGHT pic.twitter.com/WcBrm0Kqso
— 9News Queensland (@9NewsQueensland) May 21, 2023
