Þegar maður kemst svo loks í sætið sitt er kominn tími til að slaka á. Áfangastaðurinn er ekki svo langt undan og það er hægt að fara að hlakka til að komast þangað.
En það er ekki þar með sagt að þá geti maður slakað alveg á. Það þarf að hafa athyglina í lagi að sögn Anton Radchenko, sem er ferðasérfræðingur og stofnandi Air Advisor. Hann segir að það sé ein regla sem hann brjóti aldrei á ferðalögum því það geti haft í för með sér að maður fái veirur eða bakteríur í sig og veikist.
Hann segir að það versta sem maður geti gert áður en maður kemst á áfangastað sé að drekka vatn úr krananum inni á salerni flugvélarinnar. Hann segist einnig sleppa því að drekka drykki, sem eru bornir fram, sem vatn úr krana er notað í, til dæmis te og kaffi.
Hann sagði að vatnsleiðslurnar og vatnsgeymslurnar í flugvélum séu sjaldan hreinsaðar og þegar fólk biðji um vatnsglas, te eða kaffi fái það hugsanlega vatn úr skítugum vatnsleiðslum. Daily Star skýrir frá þessu.
Hann ráðleggur fólki því að drekka bara vatn úr flösku.
