The Washington Post skýrir frá þessu. Youngblood gaf dætrum sínum, Sharon Castro 15 ára og Brooklyn Youngblood 5 ára, svefntöflur og skaut þær síðan.
Kelsey Gill, saksóknari, sagði í lokaræðu sinni að málið snúist um svo miklu meira en að glíma við andleg veikindi. Hún sagði að Youngblood hafi myrt dæturnar til að hefna sín á fyrrum eiginmanni sínum sem hafði í hyggju að flytja frá Virginíu með Brooklyn.
Youngblood keypti skammbyssu níu dögum áður en hún myrti dæturnar og gaf þeim svefntöflur áður en hún skaut Brooklyn einu skoti í höfuðið og Sharon tveimur.
Sharon tókst að hringja í neyðarnúmer áður en hún lést og tala við lögreglumenn. „Hún sagði að móðir hennar hefði komið inn í herbergið og sagt: „Ég ætla að fara með þig að hitta guð.“ Síðan hafi hún skotið hana,“ sagði lögreglumaður fyrir dómi.
Youngblood var handtekin eftir að hún hringdi í fyrrum eiginmann sinn og skildi eftir skilaboð á talhólfi hans þar sem hún úthúðaði honum og játaði morðin.