Það vakti athygli starfsfólks í dýramóttöku flugvallarins að búrið var „óvenjulega þungt, undarlegt í laginu og lyktaði af terpentínu“ þegar það var tekið til hefðbundinnar skoðunar.
Þegar búrið var skoðað nánar fundust tíu eins kílós pakkar af kókaíni. Þeim hafði verið komið fyrir í fölskum botni sem hafði verið festur við búrið.
Galas var handtekinn þegar hann kom til að sækja búrið.
Sky News segir að starfsfólk dýramóttökunnar hafi heillast svo af Camila að einn starfsmaðurinn tók hana að sér eftir að Galas var handtekinn.
Þegar Galas var yfirheyrður sagðist hann hafa keypt Camila í dýraathvarfi í Mexíkó nokkrum vikum áður og hafi ákveðið að fara í frí með hana til Englands svo þau gætu „tengst“ betur.
Rannsóknin leiddi í ljós að hann hafði greitt rúmlega 3.000 pund fyrir flutninginn á Camila til Englands og hafði ekki keypt miða aftur heim. Auk þess voru önnur atriði í frásögn hans sem pössuðu engan veginn, þar á meðal að hann hafði ítrekað breytt ferðadögum sínum og hvaða leið hann færi til Englands.
Hann var dæmdur í sex ára fangelsi í síðustu viku.