Á fimmtudaginn kynntu stoltir stjórnendur flugvallarins í Bristol á Englandi nýtt bænarými til sögunnar. En óhætt er að segja að móttökurnar hafi ekki verið jákvæðar.

Á samfélagsmiðilinn X skrifaði flugstöðin að nú sé boðið upp á rými þar sem fólk geti íhugað og beðið á meðan það bíður eftir vinum eða ættingjum.

En óhætt er að segja að viðbrögðin hafi ekki verið eins og vænst var. Margir hafa tjáð sig um færsluna og sagt að bænarýmið líkist nú frekar biðskýli strætó eða reykingaskúr. The Independent skýrir frá þessu.

This week, we have opened a new multi-faith area in the free waiting zone.

Located just off the Silver Zone roundabout, the new area provides customers with a private space to reflect and pray whilst waiting to collect friends, family or loved ones. pic.twitter.com/tgIusF1tIJ

— Bristol Airport (@BristolAirport) November 23, 2023

„Þið settuð bara límmiða á reykingasvæðið. Þið platið ekki nokkurn mann!“ skrifaði einn.

Talsmaður Hasrat Bilal moskunnar í Bristol hrósar flugvellinum fyrir „gott markmið“ en gagnrýnir hana fyrir að bjóða upp á rými „sem er víðsfjarri því að uppfylla þá staðla sem boðið er upp á á öðrum breskum flugvöllum“.

Talsmaður flugvallarins sagði að bænarýmið, sem er einn og hálfan kílómetra frá flugvellinum, hafi verið opnað vegna þess að sífellt fleiri viðskiptavinir hafi spurst fyrir um slíkt rými.