fbpx
Laugardagur 13.september 2025
Pressan

Verslunarkeðja ætlar að innleiða nýtt „töfra“ afgreiðslukerfi

Ritstjórn DV
Mánudaginn 20. nóvember 2023 20:30

Sjálfsafgreiðslusvæði í verslun Tesco í Póllandi

Ekki missa af Helstu tíðindum dagsins í pósthólfið þitt

Lesa nánar

Breska matvöruverslanakeðjan Tesco hefur hafið notkun, til reynslu, á nýju sjálfsafgreiðslukerfi. Felst það einkum í því að allar hillur í verslunum fyrirtækisins verða vigtaðar og viðskiptavinir þurfa ekkert að gera nema að setja vörurnar sem þeir vilja kaupa í körfu og poka.

Segist keðjan með útfærslunni vera að breyta sjálfsafgreiðslukössum í svokallaða „töfra kassa“. Með nýja kerfinu er markmiðið að útrýma öllum vandamálum sem varða til dæmis „óvæntan hlut á pokkasvæði“ í sjálfsafgreiðslukössum. Það er viðvörun sem oft kemur upp og eitthvað sem margir breskir sem og íslenskir viðskiptavinir matvöruverslana kannast án efa við.

Eins og áður segir felur kerfið í sér að allar hillur verslana Tesco verða vigtaðar og viðskiptavinir þurfa bara að setja það sem þeir kaupa í körfur og svo við lok verslunarferðar setja það allt í poka. Enn fremur verða settir upp skynjarar og myndavélar sem fylgjast með því hvað viðskiptavinir setja í körfur og poka. Kerfið lætur síðan viðskiptavinum í té lista yfir það sem þeir eru að kaupa. Við sjálfsafgreiðslukassa í viðkomandi verslun renna vipskiptavinir yfir listann til að tryggja að hann passi við það sem þeir eru að kaupa. Sé listinn réttur er síðan lokaskrefið að borga fyrir vörurnar.

Tesco segir nýja kerfið snúast ekki síst um að losna við öll vandamál sem geta fylgt því þegar viðskiptavinir þurfa að skanna vörur inn á sjálfsafgreiðslukössum t.d. með strikamerki eða tilteknar vörur sem erfitt er að skanna. Annað algengt vandamál sé viðvaranir um „óvæntan hlut á pokasvæði“. Allt þetta valdi pirringi hjá viðskiptavinum.

Með nýja kerfinu þurfi viðskiptavinir ekkert að skanna heldur mæti bara á sjálfsafgreiðslukassa, renni yfir vörulistann og borgi að lokum.

Samskonar kerfi hefur verið komið upp í einni verslun samkeppnisaðila Tesco, Hammersmith. Einn viðskiptavinur þeirrar verslunar er mjög ánægður með kerfið. Hann segir að það hafi verið töfrum líkast að nota það í fyrsta sinn því að listi yfir allar vörur sem hann var með í körfunni hafi birst á skjá sjálfafgreiðslukassans án þess að hann þyrfti að gera neitt.

Þetta nýja kerfi hjá Tesco kemur í kjölfar annars afgreiðslukerfis sem innleitt var í hluta verslana fyrirtækisins. Það gengur í meginatriðum út á að við inn- eða útgang skanna viðskiptavinir QR-kóða inn í farsíma sína, fara inn og ná sér í vörur. Verslunin fylgist með kaupunum með aðstoð myndavéla og skynjara og rukkar viðskiptavininn sjálkrafa þegar hann yfirgefur verslunina.

Mirror greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Losnar ekki við óumbeðnar athugasemdir nágrannans – „Ég er ekki hörundsár, en ég hef fengið algjörlega nóg“

Losnar ekki við óumbeðnar athugasemdir nágrannans – „Ég er ekki hörundsár, en ég hef fengið algjörlega nóg“
Pressan
Fyrir 2 dögum

Birta myndir af meintum morðingja Charlie Kirk og biðja almenning um aðstoð

Birta myndir af meintum morðingja Charlie Kirk og biðja almenning um aðstoð
Pressan
Fyrir 3 dögum

Vasahringing lykilsönnunargögn í óhugnanlegu morðmáli

Vasahringing lykilsönnunargögn í óhugnanlegu morðmáli
Pressan
Fyrir 3 dögum

Móðir stúlku sem dæmd var í lífstíðarfangelsi í Dubai grátbiður um hjálp – „Mjög heimskuleg mistök“

Móðir stúlku sem dæmd var í lífstíðarfangelsi í Dubai grátbiður um hjálp – „Mjög heimskuleg mistök“
Pressan
Fyrir 4 dögum

Reiði eftir að blásið var til söfnunar fyrir morðingja

Reiði eftir að blásið var til söfnunar fyrir morðingja
Pressan
Fyrir 4 dögum

Fjölskylduharmleikur á sveitasetri – Brostannlæknirinn myrti eiginkonu og dóttur áður en hann tók eigið líf

Fjölskylduharmleikur á sveitasetri – Brostannlæknirinn myrti eiginkonu og dóttur áður en hann tók eigið líf