fbpx
Laugardagur 28.janúar 2023
Pressan

Óhugnanlegt myndband: Reyndi að ræna bikiníklæddum kaffibarþjóni

Guðrún Ósk Guðjónsdóttir
Föstudaginn 20. janúar 2023 10:00

Skjáskot

Ekki missa af Helstu tíðindum dagsins í pósthólfið þitt

Lesa nánar

Maður var handtekinn grunaður um tilraun til mannráns á þriðjudaginn eftir að lögreglan í Washington birti óhugnanlegt myndband sem sýndi karlmann reyna að draga kaffibarþjón í gegnum bílalúgu.

Lögreglan í Auburn, Washington, tókst að bera kennsl á þann grunaða sem Matthew Darnell.

Atvikið átti sér stað klukkan fimm um morguninn á mánudaginn síðastliðinn. Í öryggismyndavélinni má sjá kaffibarþjóninn rétta manninum skiptimynt þegar hann reynir að setja einhverskonar lykkjuplastbönd utan um hendur hennar og draga hana út um bílalúguna.

Konunni tókst að slíta sig lausa og loka glugganum og hann keyrði í burtu. Lögreglan birti myndbandið og óskaði eftir upplýsingum svo hægt væri að bera kennsl á manninn. Það gekk eftir og var hann handtekinn á heimili sínu í Auburn. BuzzFeed News greinir frá.

Þegar lögreglan leitaði í bifreið Darnell fundust sönnunargögn sem tengdu hann við glæpinn, en lögreglan hefur ekki gefið upp hvað það var.

Konan var ein á vakt á þessum tíma, hún særðist ekki líkamlega en var mjög skelkuð eftir atvikið.

Kaffibarþjónninn tjáir sig

Þetta gerðist á kaffihúsinu Beankini Espresso þar sem kaffibarþjónarnir vinna í bikiníum eða nærfötum. Aðeins er hægt að versla í gegnum bílalúgu.

Insider ræddi við kaffibarþjóninn, sem sagði að hún þekkir ekki manninn og vonar að hann verði dreginn fyrir dóm og látinn svara fyrir gjörðir sínar.

Hún sagði að Darnell hafi pantað drykk og borgað, hann hafi síðan beðið hana um að skipta fimm dollara seðli og þegar hún rétti honum skiptimyntina hafi hann gripið í hana og reynt að ræna henni.

„Það er ekkert sem við hefðum gert til að koma í veg fyrir þetta,“ sagði hún varðandi öryggisráðstafanir staðarins. Hún sagði að öryggi starfsfólks skiptir eigendur miklu máli og það væri ekkert meira sem væri hægt að gera til að tryggja öryggi þeirra.

„Við erum með piparúða, rafbyssur, hljóðlausa neyðarhnappa, þungar málmhurðar svo ekki sé hægt að sparka upp hurðunum. Við erum með öryggismyndavélar,“ sagði hún.

„Við megum líka neita viðskiptavinum um þjónustu ef okkur líður óþægilega.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lögreglan leitar logandi ljósi að manni sem stal sýniseintaki af „mjög stórum“ gervilim

Lögreglan leitar logandi ljósi að manni sem stal sýniseintaki af „mjög stórum“ gervilim
Pressan
Í gær

Sögulegur fjöldi andláta í Finnlandi á síðasta ári

Sögulegur fjöldi andláta í Finnlandi á síðasta ári
Pressan
Fyrir 2 dögum

Dómskjöl vörpuðu ljósi á skelfilega hluti í málinu í síðustu viku – Nú má lögreglan ekkert segja

Dómskjöl vörpuðu ljósi á skelfilega hluti í málinu í síðustu viku – Nú má lögreglan ekkert segja
Pressan
Fyrir 2 dögum

Betty var myrt 1988 – 34 árum síðar fannst morðinginn

Betty var myrt 1988 – 34 árum síðar fannst morðinginn
Pressan
Fyrir 3 dögum

COVID-19 faraldur í Pyongyang – Borginni lokað

COVID-19 faraldur í Pyongyang – Borginni lokað
Pressan
Fyrir 3 dögum

Rekinn frá Disney eftir 3 mánuði – Kostaði fyrirtækið 20 milljónir á dag

Rekinn frá Disney eftir 3 mánuði – Kostaði fyrirtækið 20 milljónir á dag