Alríkislögreglan FBI segir að Aranza hafi verið flutt til Mexíkó og hafi fundist þar nýlega heil á húfi.
Það var móðir hennar, sem hafði ekki forræði yfir henni, sem nam hana á brott þegar hún hafði umgengni við hana undir eftirliti.
Móðirin, Esmeralda Lopez-Lopez, var handtekin í Puelba í Mexíkó 2019 og framseld til Bandaríkjanna. Ekki er vitað hvar Aranza var þá.
Lopez játaði að hafa numið dóttur sína á brott og var hún dæmd í 20 mánaða fangelsi 2021 og er afplánar hún dóminn nú.
FBI skýrði frá því í síðustu viku að mexíkóska lögreglan hefði fundið Aranza, sem er nú 8 ára, í Michoacán í Mexíkó í febrúar. Hún var flutt til Bandaríkjanna.
Í tilkynningu frá FBI segir að í fjögur ár hafi FBI og samstarfsaðilar leitað að Aranza. Nú snúist málið um að aðstoða hana og styðja við að aðlagast lífinu í Bandaríkjunum á nýjan leik.