Öryggisvörður á Lollapalooza tónlistarhátíðinni í Chicago var handtekinn í síðustu viku eftir að hafa hringt inn skotárásarhótun til að komast fyrr úr vinnunni. Saksóknarar sögðu að hin 18 ára Janya Williams var að vinna á hátíðinni á föstudaginn þegar hún sendi einum öryggisvarða hátíðarinnar skilaboð á samskiptaforritinu TextNow. Í skilaboðunum stóð: „Skotárás klukkan fjögur staðsetning Lollapalooza. Við erum með 150 skotmörk.“ Þessu greinir Chicago Tribune frá.
Starfsmaðurinn sem fékk skilaboðin lét yfirmenn sína vita sem létu lögreglu vita. Janya sagði starfsmanninum að hún hefði heyrt um hótunina frá systur sinni sem sagði að hún væri í dreifingu á samfélagsmiðlum. Þegar starfsmaðurinn bað hana um að sýna sér bjó Janya til gervireikning á Facebook undir nafninu Ben Scott og bjó til færslu sem í stóð: „Risaskotárás á Lollapalooza Grant Park klukkan 6.“ Svo tók hún skjáskot af færslunni og sendi starfsmanninum.
Lögreglan rakti skilaboðin til reikningsins hennar Jönyu og tóku hana í yfirheyrslu á lögreglustöðinni. Það viðurkenndi hún að hún hefði sent skilaboðin vegna þess að hana hefði langað að fara fyrr heim.