Suður-afrískur skotveiðimaður, Riaan Naude, var um helgina myrtur í Suður-Afríku. Naude, sem var 55 ára gamall, var eigandi fyrirtækisins Pro Hunt Africa sem sá um að skipuleggja veiðiferðir syðra. Naude var ástríðufullur skotveiðimaður og birti fjölmargar myndir af sér á samfélagsmiðlum þar sem hann stillti sér upp með villtum dýrum sem höfðu verið skotin til bana.
Lögreglu barst tilkynning um að Naude hafði orðið fyrir árás í Limpopo-héraði í Suður-Afríku á svæði sem tilheyrir Kruger-þjóðgarðinum. Þegar að lögregluþjóna bar að fannst skotveiðimaðurinn liggjandi blóðugur og látinn við hlið farartækisins.
Í frétt Metro um málið kemur fram að Naude hafi þurft að stöðva bíl sinn vegna þess að vél hans hafi ofhitnað. Skyndilega hafi hvítur Nissan-pallbíl keyrt upp að bíl Naude og tveir menn stokkið út. Annar mannanna hafi skotið Naude til bana og síðan hafi þeir stolið skammbyssu úr bíl hans og flúið af vettvangi.