Svæfingalæknir í Brasilíu, Giovanni Quintella Bezerra, hefur verið handtekinn, grunaður um nauðgun. Á öryggismyndavél sést læknirinn setja getnaðarlim sinn í munn konu sem var á leið í keisaraskurð. Árásin átti sér stað í gær.
Læknirinn er 32 ára og lauk sérfræðinámi sínu sem svæfingalæknir fyrir aðeins tveimur mánuðum síðan.
Starfsfólk sjúkrahússins Hospital da Mulher í Rio de Janeiro hafði haft áhyggjur af hversu stóra lyfjaskammta Bezerra gaf sjúklingum sínum. Starfsfólk skurðstofu hafði enn fremur tekið eftir furðulegri hegðun læknisins við aðgerðir og grunaði að eitthvað væri ekki allt með felldu , þótt ekki væri vitað nákvæmlega hvað.
Ákvað starfsfólkið að koma upp myndavél á skurðstofunni án hans vitneskju.
Bezerra var viðstaddur tvær aðrar aðgerðir fyrr um daginn en erfiðlega hafði gengið upp að setja upp myndavélina. Þegar að þriðju aðgerð dagsins kom var loksins búið að koma myndavélinni fyrir svo unnt væri að fylgjast með Bezerra.
Sér til mikillar skelfingar sá starfsfólk Bezerra setja lim sinn í munn meðvitundarlausrar konunnar, innan við einn metra frá öðrum læknum og hjúkrunarfólki sem var að búa sig undir skurðinn. Aðeins tjaldið sem sett er upp við slíkar aðgerðir var þar á milli. Alls stóð árásin á konuna í tíu mínútur.
Upptökunni hefur verið lekið á samfélagsmiðla eins og hér má sjá:
Giovanni Quintella Bezerra eu te odeio do fundo de minh'alma, filhodaputa.#PraTodosVerem vídeo do médico anestesiologista que ESTUPROU uma paciente no centro cirúrgico. pic.twitter.com/psHhCcYHbj
— um Matheus aí! 🫰🏽 (@tragediadodia) July 11, 2022
Lögregla hefur hrósað starfsfólki sjúkrahússins fyrir aðgát sína og hafa sýnt það frumkvæði að setja upp eftirlitsmyndavélina.
Heilbrigðisyfirvöld segja að hafin sé rannsókn á málinu og hafi fórnarlambið og fjölskylda hennar þegar í stað verið fengið aðhlynningu og áfallahjálp.
Yfirvöld leita nú að öðrum hugsanlegum fórnarlömbum Bezerra.
