fbpx
Þriðjudagur 21.júní 2022
Pressan

Þjóðverjar þurfa að kynda kolaorkuver vegna gasskorts

Kristján Kristjánsson
Mánudaginn 20. júní 2022 19:00

Kolanáma og kolaorkuver í Welzow-Süd í Þýskalandi. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Þjóðverjar verða að draga úr gasnotkun sinni og auka notkun kola til að hægt sé að fylla gastankana fyrir næsta vetur. Þetta sagði Robert Habeck, efnahagsráðherra, í yfirlýsingu í gær. Hann sagði stöðuna vera alvarlega þar sem verið sé að draga úr notkun á rússnesku gasi.

Hann sagði að stjórnvöld væru nú að styrkja viðbúnað sinn og grípi nú til fleiri aðgerða til að draga úr gasnotkun. Það þýði að draga verði enn frekar úr gasnotkun og safna gasi fyrir næsta vetur, að öðrum kosti geti staðan orðið mjög erfið þá.

Þjóðverjar eru mjög háðir rússnesku gasi og á það bæði við um heimilin og fyrirtækin í landinu. Þeim hefur þó tekist að draga úr kaupum á rússnesku gasi frá því að Rússar réðust inn í Úkraínu í lok febrúar. Nú er hlutfall rússnesks gass komið niður í 35% af heildarinnflutningi gass en var áður 55%. CNN skýrir frá þessu.

Habeck sagði að öruggt væri að landið fái gas þótt staðan á markaði versni. Hækkandi gasverð sé aðferð Pútíns til að reyna að koma Þjóðverjum úr jafnvægi, hækka verðið enn frekar og kljúfa þjóðina. „Við munum ekki láta það gerast. Við munum berjast gegn þessu af festu, nákvæmni og íhygli,“ sagði hann.

Þjóðverjar hafa haft í hyggju að draga úr kolanotkun sinni en Habeck sagði að nú sé nauðsynlegt að kynda kolaknúin raforkuver um hríð til að hægt sé að draga úr gasnotkun til rafmagnsframleiðslu. Þetta sé bitur ákvörðun en eiginlega nauðsynleg til að draga úr gasnotkun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Gera tilraun með fjögurra daga vinnuviku

Gera tilraun með fjögurra daga vinnuviku
Pressan
Fyrir 2 dögum

Einn af hverjum 500 karlmönnum er með auka kynlitning

Einn af hverjum 500 karlmönnum er með auka kynlitning
Pressan
Fyrir 2 dögum

Vinnur þú þegar þú ert veik(ur)? Ekki gera það

Vinnur þú þegar þú ert veik(ur)? Ekki gera það
Pressan
Fyrir 3 dögum

Einföld augnrannsókn getur hugsanlega sagt fyrir um hættuna á hjartaáfalli

Einföld augnrannsókn getur hugsanlega sagt fyrir um hættuna á hjartaáfalli
Pressan
Fyrir 4 dögum

Washington DC gerir Sádi-Aröbum grikk – Breyta götunafninu þar sem sendiráðið er

Washington DC gerir Sádi-Aröbum grikk – Breyta götunafninu þar sem sendiráðið er
Pressan
Fyrir 5 dögum

Dönsku krónprinshjónin í vanda – Eru þau að leyna einhverju?

Dönsku krónprinshjónin í vanda – Eru þau að leyna einhverju?