fbpx
Þriðjudagur 21.júní 2022
Pressan

Julian Assange verður framseldur til Bandaríkjanna – „Sorgardagur fyrir fjölmiðlafrelsi“

Rafn Ágúst Ragnarsson
Föstudaginn 17. júní 2022 14:03

Ekki missa af Helstu tíðindum dagsins í pósthólfið þitt

Lesa nánar

Lokaskrefið í framsalsferli Julians Assange frá Bretlandi  til Bandaríkjanna hefur verið tekið. Bandaríkin vilja fá hann til að geta ákært hann fyrir njósnir. Nú í dag veitti Priti Patel, innanríkisráðherra Bretlands, samþykki þess að hann sé fluttur úr landi, samkvæmt USA Today.

„Sorgardagur fyrir fjölmiðlafrelsi“

Málið dagaði upp á skrifborði Priti eftir að hæstiréttur Bretlands dæmdi að það stæði því ekkert í vegi að framselja hann. Áhyggjur voru um hvers konar meðferð hann hlyti í bandarísku fangelsi.

ABC News greinir frá því að Julian hafi 14 daga til að áfrýja málinu. Í yfirlýsingu frá WikiLeaks kallar hann ákvörðun Priti „sorgardag fyrir fjölmiðlafrelsi og fyrir breskt lýðræði,“ hann sagðist einnig ætla að áfrýja málinu.

„Julian gerði ekkert af sér,“ stendur líka í yfirlýsingunni. „Hann hefur ekki framið neinn glæp og er ekki glæpamaður. Hann er blaðamaður og útgefandi, og verið er að refsa honum fyrir að sinna starfi sínu.“ Hinn fimmtugi Julian hefur verið ákærður í 18 ákæruliðum af dómsmálaráðuneyti Bandaríkjanna vegna ásakana um að hann hafi bruggað launráð með og hjálpað fyrrum upplýsingafulltrúa bandaríska hersins, henni Chelsea Manning, þegar hún fékk aðgang að leynilegum skjölum sem hún gaf svo út á WikiLeaks.

Lögfræðingateymi Julian segja hann standa frammi fyrir 175 árum í fangelsi ef hann er sakfelldur. Bandarísk yfirvöld segja þá hins vegar vera að ýkja og að dómurinn verði töluvert vægari.

Áhyggjur af framtíð fréttamennsku

Mótstaða við þessa ákvörðun er mikil og Priti Patel hefur verið gagnrýnd harkalega af blaðamönnum, þingmönnum og baráttufólki fyrir málstað Julians. „Ákvörðunin að framselja Julina Assange til Bandaríkjanna veldur blaðamönnum í Bretlandi og alls staðar annars staðar miklum áhyggjum, bæði af heilsu hans og af fordæminu sem það býr til fyrir fréttamennsku um allan heim,“ segir fréttamaður BBC, John Simpson í færslu á Twitter-síðunni sinni.

Innanríkisráðuneyti Bretlands segist hins vegar hafa verið bundið í báða skó. „Í framsalslögum kemur skýrt fram að innanríkisráðherra verði að heimila framsal ef það eru ekki ástæður til að koma í veg fyrir það,“ sagði ráðuneytið í yfirlýsingu, samkvæmt ABC. „Framsalsbeiðnir eru bara sendar til innanríkisráðherra eftir að dómari ákveður að heimila hana eftir að hafa ígrundað málið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Marsbíllinn Perseverance er búinn að eignast vin á Mars

Marsbíllinn Perseverance er búinn að eignast vin á Mars
Pressan
Fyrir 2 dögum

Gera tilraun með fjögurra daga vinnuviku

Gera tilraun með fjögurra daga vinnuviku
Pressan
Fyrir 2 dögum

Rostungstönn í Kyiv hefur hugsanlega tengsl við Ísland

Rostungstönn í Kyiv hefur hugsanlega tengsl við Ísland
Pressan
Fyrir 2 dögum

Vinnur þú þegar þú ert veik(ur)? Ekki gera það

Vinnur þú þegar þú ert veik(ur)? Ekki gera það
Pressan
Fyrir 4 dögum

Washington DC gerir Sádi-Aröbum grikk – Breyta götunafninu þar sem sendiráðið er

Washington DC gerir Sádi-Aröbum grikk – Breyta götunafninu þar sem sendiráðið er
Pressan
Fyrir 5 dögum

Dönsku krónprinshjónin í vanda – Eru þau að leyna einhverju?

Dönsku krónprinshjónin í vanda – Eru þau að leyna einhverju?